“E dënojmë fuqishëm!”- Osmani: Irani të mbahet përgjegjës për sulmet kibernetike në Shqipëri

Presidentja e Kosovës, Vjosa Osmani, e ka dënuar sulmin kibernetik kundër Shqipërisë.

Ajo ka kërkuar që Irani të mbahet përgjegjës për këto sulme.

Shqipëria ka ndërprerë lidhjet diplomatike me Iranin, pasi e akuzon Teheranin që qëndron mbrapa këtyre sulmeve. Kryeministri Edi Rama iu la afat 24 orë stafit te ambasadës që të largohen nga Tirana.

“E dënojmë fuqishëm sulmin kibernetik kundër infrastrukturës  kritike të Shqipërisë. Ne i qëndrojmë pranë Presidentit të Shqipërisë, Bajram Begaj dhe qeverisë shqiptare dhe bëjmë thirrje që Irani të mbahet përgjegjës për këtë veprim të paprecedentë”, thuhet në njoftimin e presidencës.